時光倒流 ~ ~ ~ 2007 07 25
大家合上眼睛,想一想兩年前嘅今日做緊咩???? 勤力工作?去旅行??湊仔???放暑假????
再話說 07年5月去完東北+北海道,返到嚟見到有個由ANA舉辦[日本夢想之旅]徵文比賽,要設計一個 5日4夜嘅行程,1萬大元內全包,當然要日本境內,仲要寫目的地,行程特色,活動詳情及預算費用!!!!
因為我剛剛去完一個夢想之旅(我認為),抽5日4夜出來,再加少少就交得啦!!就係截止前一天寄出,我一路都諗得季軍就好喇,季軍可獲得一張東京或大阪(經濟位)機票,冠亞軍都係北海道,我又剛剛去完所以得大阪我就夠喇!!
到咗公佈當日即刻上網睇賽果啦,嘩 ~~~~ 冠軍,冠軍,冠軍,我得咗呀!!!!!!!!獎品係雙人來回北海道(商務位) + 4晚北海道酒店!!!!! 已經開心到傻咗!!大概11點電話響,係ANA職員打來通知我勝出,仲邀請我出席[ANA 20週年PARTY],當晚會頒獎比我,要我上台講得獎感受(佢仲話予20至30分鐘比我講),唔洗咁多呀!!即係唔可以齋講[多謝]啦!!!! 仲要我SEND份稿比佢先,因為需要時間翻譯,而我就開始緊張起來,雖然上台攞獎試過,但今次要上台講感受喎,真係有Ｄ腳仔軟架!!!!!好彩佢比我帶多一位朋友出席, 等我可以壯膽!!
講咩呢????又要大體,又要講吓多謝[ANA]哩d客套說話喎,真大獲!!!!!!!一星期後稿交咗,又要諗吓着咩,我平時着牛記笠記咋,番工有制服着,點算!!!! 最後揀條裙仔着!! 跟住就要背熟份稿,一定唔可以出醜!!
好嘢,到了領獎的大日子,一收工立即飛的前往[香港日本人俱樂部],於接待處大家知我係乜水後,幾位接待員立即恭喜我,又有幾個人走出來介紹一番之後,我就仲緊張,安排我地(我帶咗我家姐去)寄存手袋後,搞手ERIC & GRACE(這個比賽係他們諗出來),目的為慶祝ANA在港成立20週年,他們盤咗我一輪後,GRACE就招呼我家姐,ERIC就帶我周圍去揾D老細,又介紹一輪,他們都好好奇問我點解會揀[不老不死溫泉]去參賽呢??再問點解會知有哩個地方??同埋點解我會鍾意溫泉之旅???? 我先講我嘅參賽提目[日本尋找不老不死之旅],行程主打秘景秘湯!! 而他們(幾位ANA日籍老細)覺得我哩個[後生]香港女仔,點會鍾意浸露天秘湯架??他們知我真係去過後,個樣好驚嘆!!! ERIC話問過D日籍同事都未去過,佢話評判都覺得哩個地方好神秘,神秘到唔會隨便去囉,我唔明點解[好神秘],我只知[好隔涉]!!! 而評判團有日本領事,日本觀光振興會會長....仲有幾位居港而有影響力嘅日籍人仕喎??
搞手 ERIC
好喇PARTY 開始,因為今晚其實係慶祝ANA在港成立20週年,首先日本個邊嘅大老細&東京嘅話事人輪流上台致詞,最好笑佢個爛GAD係[全日空 唔係 ALL DAY VACANT] 正!!! 跟住有個祝酒儀式,就係用搥仔拷打大桶酒蓋,並用XX木[唔記得咩木]來做酒杯,大家一齊舉杯飲勝後!!便開始食自助餐,有一大條吞拿魚刺身,夕張蜜瓜,鐵板牛,串物,天婦羅....樣樣都好味!!!!
食食吓有位日籍女職員教我飲咗杯酒,放少少鹽係杯邊,跟住飲一淡連鹽帶酒,又幾得意喎,不過我唔可以飲太多,因為我未上台攞獎呀!! 攪到我行唔安食唔落,又有人走埋嚟(真係食唔到嘢),佢就係票務部經理,佢問[仲未見你出票嘅]?? 亞,季軍都出好哂喇!! 咁我就問佢[機票是不是得7日有效期,如果得7日我好難安排時間太少lu,我可唔可以補錢延長呢??? 仲有HK - 東京,東京 - 北海道,是不是要即日走,我想停留喎??? 仲有東京 - 北海道, 一定要扎幌入,扎幌走呀???? 仲有4晚住酒店只可以扎幌呀???????] 跟住佢走去問香港區G.M., 問完即刻覆,(1)有效期無限[我最多只可以留90日啫
!!], (2) 我可以去/回程都停留東京[嘩 ~ 停兩段,正]!! (3) 北海道內所有機場都得,只要ANA有航班就得喇!!! (4) 酒店就邊一間都得,只要係[藍天假期]北海道酒店 list內有都可以!!!!!! 以上所有嘢都唔洗補錢!!!!!
太好喇!!!!!!
!!], (2) 我可以去/回程都停留東京[嘩 ~ 停兩段,正]!! (3) 北海道內所有機場都得,只要ANA有航班就得喇!!! (4) 酒店就邊一間都得,只要係[藍天假期]北海道酒店 list內有都可以!!!!!! 以上所有嘢都唔洗補錢!!!!!太好喇!!!!!!
之後ERIC要我開始準備,一陣到我上台,超驚!!!!!!! 我企係台前等,螢光幕轉咗,係大會做架,我好,好,好....開心呀,真係形容唔到當時嘅感受!!!!!!!
上到台無發台瘟,無唔記得講咩,無驚無險講完,仲加多少少感受!!!!!!!!
我一路幻想會頒張勁大嘅機票給我,因為睇得[歡樂滿東華]太多,D總理攞住張大支票出來交接,我諗應該一樣啫,但係頒給我的只是勁大張嘅飛機票套,無大機票呀!!!!!!
於愉快中渡過咗畢生難忘嘅一夜!!!!!!!
就憑[不老不死溫泉]這間溫泉旅館,我才獲得冠軍!!而我的綽號就係咁嚟!! 不過我兩次入住都天陰落雨,睇唔到日落呀,我一定會繼續去,直至睇到為止!!!!!!
得意妹 : [亞不]係有D料到喎!!!!
熊仔 : 好勁呀!!!我地第一次坐商務位,都係多得[亞不]咋!!!!
得意妹 : 我記得我地飲香檳,仲"隊"大咗添!!!!!
Zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz
嘩~~~正呀...將自己Ｄ經歷攞去比賽真係好喇....
回覆刪除嘻嘻~~~唔知我可唔可以睇下妳比賽個份稿係點寫呢 ?
[版主回覆08/06/2009 13:14:00]嘿嘿,你應該睇到啦!多謝你先!其實係唔洗再諗過,抽5日4夜出來就交得喇!!
嘩!!! 好勁呀~~~~ 好"鄧"你開心呀，睇你d相都知道真係好難忘嘅一夜~~
回覆刪除仲有你都打扮好靚呀 ....不過我諗最開心應該係得意妹同熊仔啦，兩隻野飲到啤啤夫....
[版主回覆08/06/2009 13:32:00]多謝你呀,當晚真係high到爆,哩世都唔會忘記!!我真係無乜幾何執得咁正!!
最開心真係個兩隻嘢呀,靜靜雞係咁[隊]酒,唔知點解一開飯又即刻醒哂喎??
得意妹 : 我地都係鄧你開心啫,咁要賀一賀你吖嘛,唔覺唔覺飲大咗囉!!
熊仔 : piggybread姐姐, 我地唔係隨便亂飲架,真係要賀一賀[亞不]佢,除咗佢攞獎之外,今次仲係[亞不]第一次帶埋我地去日本呀!!
我由細細個開始﹐成日都好想有一日有大支票收~XDDDDDDDDDDDD 我覺得好勁架!XDDD
回覆刪除[版主回覆08/06/2009 23:14:00]如果收大支票就真係無得頂喇!!不過我而家都好開心!!
多謝你呀!!
(Empty)
回覆刪除[版主回覆08/06/2009 23:15:00]多謝你呀!!
好犀利！賞品也超正！
回覆刪除[版主回覆08/06/2009 23:19:00]多謝,多謝你呀!! 真係超正架,仲比我左改右改,到而家我仲開心緊架!!
厲害呀 ! 真係畢生難忘 , 我覺得 win 得有道理 ~
回覆刪除係兩年前 , 我相信冇乜女仔單身馬去東北不老不死温泉 ~
可能係日本人眼中 , 真係神秘朝聖嘅地方 ~
佢真係 d 酒店機票 , 乜都就晒妳 , 我最開心佢話 [藍天假期] 任何一間酒店 , 真係夢想之旅呀 ~
[版主回覆08/06/2009 23:35:00]多謝你地呀!! 我真係唔會忘記!! 其實一個人去旅行好過癮,我好鍾意,你地都知我今次同兩位朋友去九州,反而覺得唔自在!!
ANA真係好大方,我話點就點,可能佢地無諗過要有條款,這才是真真正正的禮物嘛!! 我而家仲回味架!!!
[夢想之旅]我又計劃喇 ~ ~ ~ ~ ~
羨慕ing....超鐘意ana, 連工作既頸繩都用ana架...哈哈... 我呢排好懶啊.....仲未update個blog..@@"
回覆刪除[版主回覆08/06/2009 23:44:00]未得獎之前,我已經好鍾意ANA,可能係偏見!! 我影像最深係坐過一架[比卡超]飛機,由東京往北海道,空姐條圍裙都係[比卡超]嚟架,正!!
加油,快D寫啦!! 我都差不多PLAN好東北賞楓喇!!
嘻! 我一早知你的"不老不死"由來. 因為我係JJ的忠實Blog友o麻! 真係好鬼羨慕你呀!
回覆刪除[版主回覆08/06/2009 23:48:00]多謝你呀,原來識咗我咁耐喇!! 我而家仲開心緊架!!
我鍾意日航 , 但唔鍾意ANA , 但都登你開心
回覆刪除[版主回覆08/06/2009 23:51:00]日航我未坐過呀......,點解唔鍾意ANA呢?? 唔通真係我嘅偏見!!
真係邊羨慕邊恭喜邊讚賞你, 整個歷程一定很深刻, 講野30分鍾??????
回覆刪除係咁大場面我實腳軟, 仲要背???????? 睇黎我已沒有攞獎的基本條件
[版主回覆08/07/2009 00:01:00]多謝你呀!! 對我嚟講真係好深刻,哩世都唔會忘記!! 我大概講咗20分鐘到,不過上到台又唔太驚,越講越HIGH,好享受,感覺好好呀,無唔記得,又無口窒窒!!
ANA真係好大方，滿足晒妳N咁多個要求，讚！
回覆刪除[版主回覆08/07/2009 23:24:00]係呀,想點就點,如果同佢買都唔可以咁啦,真係要多謝ANA!!
回覆刪除haha..........飲到瞓低晒！
[版主回覆08/07/2009 23:28:00]兩個大鄉里第一次出埠,仲要坐商務喎,係咁尚吓啦!!
你好叻! 將自己的遊歷同人分享亦可攞大獎,開心到'死'! 呢個party想忘記都好難呀!
回覆刪除[版主回覆08/07/2009 23:37:00]多謝你呀!! 到今日我仲係好開心,哩世都唔會忘記!! 每次同別人分享遊歷都講到眉飛色舞,而這次獲勝,多咗份認同感,感覺更加~ ~ ~正!!
TVB未做雪影移城(2007四月)之前，真係無乜香港人會去日本東北，因為我07年12月去，搵料都無人寫，要去台灣d討論區先有。
回覆刪除所以我地要多謝TVB，多謝裕美~ ah~ah~ah~ah............
haha~
[版主回覆08/07/2009 23:50:00]果然係[TVBUDDY]仲咁記得嘅,你同TVB關係咁好,不如你叫TVB重播吖,當年我無機會欣賞呀!!
當年乜咁難搵料架?? 我買日本旅遊雜誌睇,真係唔知市況!! 台灣人真係寫得好好架,有D寫得好詳細!!
JJ都勁~ 第二第三都比佢拎走~
回覆刪除當然你係Number One~
[版主回覆08/07/2009 23:52:00]JJ勁呀,攞兩個獎喎!!
好勵害呀您！恭喜哂呀！
回覆刪除[版主回覆08/07/2009 23:54:00]多謝你呀!!
恭喜哂! 你真係好勁呀! 獲獎一定開心到瞓唔著啦))))
回覆刪除[版主回覆08/07/2009 23:57:00]多謝你呀!! 真係好開心呀,到今日都仲回味緊!!
嘻嘻....我地就係藉住呢個比賽認識0架!!!
回覆刪除[版主回覆08/09/2009 15:37:00]係呀,唔係哩個比賽我地都唔會認識!! 人一生會有很多機遇,真係要好好把握!!
好羨慕你可以坐商務位呀!!
回覆刪除我咁大個女都未正正式式坐過商務, 希望有機會啦!!
不過, 要我俾錢坐實唔際呀, 貴咁多, 夠晒cover成個旅程0既開支喇
[版主回覆08/09/2009 15:41:00]你一定有機會嘅!!
要比錢坐又真係唔捨得,真係夠去多次架!!
ana應該請番第2 & 第3名出席酒會嘛!!
回覆刪除[版主回覆08/09/2009 16:00:00]係囉,我仲以為有亞,季軍,咁都無咁驚,去到先知得我一個,即刻好驚!! 佢地咁小家架,都係請多兩個啫!! 如果有請你們,我地就一早認識,唔洗兜咗咁大個圈啦!!
你同jj都好勁呢~ 成日去~ 真偽羨慕死~
回覆刪除你地有冇掛住我呀~ 我好掛住你地呀!!
[版主回覆08/09/2009 16:06:00]喂,大佬好耐無見呀 !!點呀你幾好嘛?? 我有掛住你架,仲好掛住你個[北海道次旅]添,快D寫呀!!
你掛住我地又唔多D蒲頭??
你真係超勁呀!查實我都唔知你講嗰個溫泉喺邊?佢係咪一間酒店裏面嘅溫泉?我有好多jr pass嘅問題想問你,你想我見面先問定喺個blog度問呀?千其唔好覺得我煩喎!
回覆刪除[版主回覆03/05/2010 22:53:00]多謝你呀,邊樹勁呀!!
個溫係青森縣 深浦町,面向日本海!! 係酒店內嘅溫泉!!
無所謂吖,你鍾意幾時問都得架,點會覺得煩呀,你係榮譽會員喎!!
我老家網址呀!!
http://www.furofushi.com/
妳真叻!1月去完不老不死,真想看到你得獎作品的內容!在那兒找到?
回覆刪除[版主回覆03/05/2011 13:33:00]你太客氣喇.....
我無將作品放上BLOG......不好意思!!