突襲鎌倉(賞梅篇) - 今晚點沖涼呀???

2009 03 09 - 星期一 (Day 2) 下

離開水族館,

肚仔餓去搵食先,

有好幾間食店,

睇睇邊間多人就個間啦!!

原來江ノ島其中一樣名物,

就係[新鮮白飯魚]!!!  

我諗大家都試過蒸哂乾o既白飯魚,

而新鮮o既我就第一次食,

分別係"淋"d,同重d魚味,仲有大條d !!

個定食900円仲送一杯汽水或者咖啡,

算係咁啦!!

因為買咗pass便遊吓"電車河",

先往[極樂駅]落車行3分鐘,有一個"極樂寺",

到過極樂寺是否可登"極樂"呢????????????????

但是這個寺無咩好睇,

只有幾棵花睇下,

好彩唔洗比錢入場!!!

時候不早繼續下一站[長谷寺駅],

先逛逛街先,

見旅遊書介紹都有些特色小店,

而且就嚟  5點各寺廟開始關門,

拜大佛都要明早 lu!!!

步往光則寺途中發現2009年3月1日新開張o既 [鎌倉音樂盒堂]

即是 [小樽音樂盒堂] 既分店,

外貌格局相似,

門外有個大鐘不是噴蒸汽的,

但搭正12就有音樂及由時鐘轉到公仔畫面,好靚呀!!

店內擺設,

室內設計,

貨品,店員制服等等,

都同小樽店一模一樣,

見到及聽到d音樂盒,

仲以為自己喺[小樽]㖭 !! (我係勁鍾意"小樽")

,所以好開心呀!!!

係時候返回鎌倉check in,

繼續用pass,

於車站月台有部報紙售賣機,

一份薄"切切"o既報紙要130円,

有人話報紙售價,

可以反映出當地的生活指數,

大家運算一下吧!!!!

返回有些憧憬o既酒店攞房先,(這是本館亦是明早補拍的)

[Hotel Newkamakura]今早已經比了錢做好手續,

職員陪同並介紹廁所/浴室在那??

我book了兩晚,

今晚本館(舊d),

後晚新館(新d同埋有獨立廁浴),

最初book兩晚住新館貴d但房內有廁所&浴室,

但職員話本館有間5000円(要用公共廁&浴)要唔要,

是但啦諗住慳得一円得一円嘛!!

一開房門咦....................................................,

其實唔太介意,

都係瞓幾粒鐘啫,

乾淨就得啦!!!

公家廁所好新好靚唔錯,

但係浴室就出事????

一個新d,一個舊d,

新嗰個都可以接受,

但係無沐浴液得一舊"用緊o既大眾肥皂",

同一支二合一o既洗頭水!!!

即刻好失望,

從未試過咁o既情況,

點算今晚點沖涼呀???????????????????????????????????

之前搜尋過台灣網友介紹,

都有d懷疑,

因為佢個blog得一篇嘢就係講這間酒店,

有d[線]稿feel,

但係佢影到好有英式大宅feel,

我又好鍾意喎,咪搏一搏囉!!!!!!!!!!!!!!!!!      

點知真係頂唔順即刻改行程,

今晚先去 [江の島溫泉] 有得浸浸,

可以游水,仲有得做spa,正呀!!!

(各位記得帶泳衣!!)

6點又返回江の島駅落車轉左直行,

直行, 再直行!!一過咗跨島大橋,

右手邊個幢(黃色的),

就係[江の島溫泉]!!

一入去左手邊先除鞋,

然後放入鞋 locker,

這個時侯有位職員衝出來(唔係休息掛),

講咗一輪原來佢話而家入場要2650円,

7點後就2150円可以玩到10點,

佢仲叫我出去行下,

好快就7點,

又會咁好 o既,

佢唔講我跟本唔會知!!

話咁就7點再入去,

將鞋locker鎖匙交給職員,

佢會比一條手帶給我,

可到更衣室是但揀一個 locker(自己記住locker no.),

仲有館內其他消費,

比這條手帶"嘟一嘟"就得喇,

到離開交手帶給職員結帳,

好方便!!

職員仲問我洗唔洗keep起銀包係佢地度,

我就無放低!!之後佢比一袋嘢給我(有大/小毛巾&浴袍),

好嘢上得去喇!!

有獨立梳洗間(有D有門嫁)!!用品齊備,乜都唔洗扲!!!

我最喜歡的設備(泳衣脫水機),

唔洗攞住件濕"淋淋"既泳衣離開,

超正!!!

先往3樓更衣室揀 locker,

換泳衣,這裡好大,

又新,好乾淨,

有位女職員長駐女更衣室,

令你很安心!!

2,3,4樓都可以穿泳衣+浴袍行來行去,

唯一3樓浸溫泉個邊就一定除哂所以衫!!

所以我o既流程,

先換泳衣到2樓有室內/外泳池,

然後再落一層到洞窟內/外池玩,

仲有4樓可以做spa,

最後去番3樓浸溫泉,完成!!!

2樓室外池好天時可以見到[富士山],

雖然而家夜晚睇唔到,

但對住個海聽下海浪聲,

睇下星星,都幾爽嫁!!

而室內池一日有4場[極光表演]成個天花至水中不斷打燈,

另外有一個大螢光幕播放北極光o既影象,

亦有音樂陳托住,置身在暖笠笠o既水中,好正呀!!!!!睇完再落去洞窟池,好有神秘feel,

而池中發出五顏六色o既燈光,

幾特別!!!

所有池都係暖既,

仲有兩個係[源泉]泉水,

浸到熱熱地去咗2樓室內池,

有雪糕或飲品售賣,

即刻隊杯雪糕先,

比條手帶記帳就得喇!!!

成晚得3對情侶&me,

每人玩一個池都得呀!!!

我行去邊都好似照緊田雞咁,

真係唔好意思喇!!!

最後上番3樓浸浸,

同埋要由頭洗到落腳(我o既主要目的)!!!

玩到關門 10點鐘!!

本來想book一晚住係島上,

但係無房呀!!

唯有原路折返搭[江電]再次用pass(好抵呀580円由朝用到黑),

返回鎌倉已經成11點,

好肚餓㖭!!!

番到鎌倉大部份食店已關門,

實在太餓點都要食D嘢!!

見到有間居酒屋"笑笑",

是但啦味道一定靠得住!!

食飽飽番去瞓 LU !!!!

www.newkamakura.com  (諗真d先book!! 不過新館好ok,過兩篇再講!!!)